Түйүлдүк кичинекей кезинде өзү каалагандай айланып, тегеренип жата алат. Бирок, анын өсүшү менен, орун азаят жана бала эненин курсагынын ичинде белгилүү бир орунду ээлейт. Бул макалада түйүлдүктүн жайгашуусу, абалы, позициясы жөнүндө айтып беребиз.
Төрөт күнү жакындаган сайын наристе акырындап топтолуп, жумурткага окшош формага ээ болот: башын денеге кыйшайтып, жамбаш жана тизе муундарындагы буттарын бүгүп, ашказанга басып, колдорун көкүрөгүнө кайчылаштырып коёт. Ошентип, анын төрөт каналынан өтүп, төрөлүшү жеңил болот.
Үчүнчү триместрдин (28-жума)башталышында да балага кыймылдаганга көп орун бар жана жатындагы абалын өзгөртө алат. Төрөт жакындаган сайын баланын көлөмү чоңоёт, бирок жатындын көлөмү чоңойбойт. Демек, бала жатынга ыңгайлуу жайгашып, жатындагы акыркы абалына, эреже катары, кош бойлуулуктун 36-жумасына чейин жетет. Ымыркайдын жатынга жайгашуусун үч термин менен мүнөздөсө болот: абалы, позциясы жана түйүлдүктүн жайгашуусу.
Түйүлдүктүн абалы эки сызык аркылуу аныкталат: жатындын узунунан кеткен огу жана түйүлдүктүн узунунан кеткен огу. Түндүк уюлдан Түштүк уюлга чейинки түз сызык Жердин узунунан кеткен огу деп аталат. Ушундай эле жол менен жатындын башынан аягына чейин сызык тартсаңыз, жатындын узунунан кеткен огу чыгат. Ал эми баланын башынын арткы бөлүгүнөн жамбашына чейин омуртка боюндагы шарттуу сызык түйүлдүктүн узундуктагы огу деп аталат.
Баланын абалы ошол ок боюнча кандай жайгашкандыгын көрсөтөт. Жатындын огу менен түйүлдүктүн огу дал келген учурдагы баланын абалы - узундук деп аталат. Туурасынан жайгашкан абалда жатын менен түйүлдүктүн октору бири-бирине перпендикуляр, ал эми кыйгач абалда курч бурчта жайгашат.
Ымыркайдын арка жагы менен жатындын оң же сол тарабына бурулган боло алат.. Бул түйүлдүктүн позициясы деп аталат. Биринчи позицияда түйүлдүктүн артка жагы жатындын сол тарабына, экинчисинде оңго карайт. Көбүнчө бала жатындын четтеринин бирине гана бурулбастан, анын алдыңкы же арткы бетине да бурулат. Позициянын түрү баланын алдыга же артка бурулганын аныктайт. Арты менен алдыга бурулса, алар позициянын алдыңкы көрүнүшү жөнүндө, артка караса - арткы көрүнүшү жөнүндө айтышат.
Түйүлдүктүн жайгашуусу - дагы бир маанилүү көрсөткүч. Ал баланын денесинин кайсы бөлүгү майда жамбаштын кире беришине багытталганын көрсөтөт: баш же жамбаш. Башкача айтканда, баланын башы төрөлгөндө же төрөт каналы аркылуу кыймылын баштайт. Түйүлдүктүн жайгашуусу баш жакта болсо, анда бала энеге салыштырмалуу жатынга бурулуп, башы жамбашка багытталат. Түйүлдүк жамбаш менен эненин жамбашына, ал эми башы көкүрөккө багытталат.
Кызыгы, даарыгер баланын жатынга кантип орношкондугун анын колу менен гана аныктай алат. Баланын жатындагы абалын, позициясын жана жайгашымын аныктоо төрөттү андан ары пландаштыруу жана башкаруу үчүн абдан маанилүү.